去年三月二十三日媽祖生，遇到禮拜六，阮這群孩兒細小，禮拜五暗暝就回去鄉下，等待隔頂天一透早陪阿母一起鑽轎下，求媽祖保庇阿母身體勇健。

禮拜日是母親節，阮攏知影阿母真勤儉，不甘花錢，但是阮猶原買一個很大的雞蛋糕給您慶祝，我念著去年寫給您的作文，您邊聽邊擦目屎，我想，那一定是歡喜的目屎。

今年母親節換阮這些孩兒流目屎，不過，阮流的卻是傷心的目屎，五月初，阿母發現嘴裡面腫一丸，一開始沒啥感覺，等到發現的時陣，已經需要割肉做檢查啊！

檢查的結果是阮最不想要聽到的「癌症」。醫生來講結果的時陣，講得很婉轉，醫生跟阿母您講：「阿嬤，毋免煩惱，只要妳定期來醫院做電療、就可以改善啊！」

但是阮很煩惱，阿母是不是堪得住？因為阿母已經七十幾歲啊！阮的目屎一直欲跑出來，為了阿母，阮將目屎吞入腹內，笑笑跟阿母講：「阿母，十幾年前，您也得過『癌症』，但是您經過治療，癌症就被您嚇跑啊！現在，您也要有信心，再一次將它打倒！」

母親節那天，阿母嘛是要住院，但是阮幫阿母請假，回到溫暖的厝，一樣有阮這群孩兒細小，阮欲乎您知影您不是一個人，阮攏很需要您，您有阮這些愛您的囝仔，還有愛您的孫子，阮會乎您「愛的力量」陪您一起對付癌症！

張水錦（新北市／恆毅中學教師）