文╱李瘦馬

◎為妳寫一首用台語唸吔詩

嘸月娘的時陣
我將妳當作月娘來看

咱吔寶貝後生
是咱同齊寫美麗吔詩句

◎妳吔目睭

有我吔詩句無法度形容
勁水勁水吔眼神

當妳抬頭欣賞風景吔時
我佮妳看作一幅圖

◎牽手

這世人會凍牽著妳的
手，親像一條索仔
一邊，是咱過去吔風景
未來，繼續牽著妳吔手，像索仔

◎風輕輕行過來

用伊溫柔吔身軀
將我攬牢牢

曠闊的天地
甲我吔心黏作伙

◎窗仔，是厝吔目睭

這邊吔窗仔
佮彼邊吔窗仔
駛目尾：

一邊是查某，一邊是查埔