我真愛看茉莉寫的「同齊來說話」，那工我唸著〈老爸〉那篇文章，唸啊唸，唸到最後一句，目屎就ㄌㄧㄣˋ落來。

我是厝內第一個出世的囡仔，爸爸會用腳踏車載我去五公里外的市內看電影，攏會經過一兮兵營兮牆圍外，歸百公尺兮圍牆，紫色兮牽牛花開介滿滿是，我總是大聲細聲呼：「ㄏㄝ是我看著兮，ㄏㄝ是我看得兮！」爸爸總是順著我兮意，講「ㄏㄟˋ哪！ㄏㄟˋ哪！」一路上，我心滿意足，就趴佇伊岸腳踏車兮手睏去呀！
 
乎爸爸兮「喔多賣」（摩托車）載上濟兮是我的小妹，自國中伊就越區去高雄讀冊，住佇高雄阿姑因叼，拜六爸爸會去載伊轉來，拜一透早擱載伊去讀冊，彼兮時陣，我已經高中畢業啊，所以，有時陣是我載伊去高雄。
 
後來，小妹去台北讀大學，定篤坐晚車轉來，大部分攏是爸爸騎喔多賣去火車頭載伊。不管是熱天，或者是寒天，爸爸嘛著ㄑㄧㄥˊ著冷風騎十幾公里去載伊。小妹是阮叼大家攏疼伊兮糖霜丸，伊哪讀著這篇文章，我相信伊兮目屎，一定流比我擱卡多！