爸爸講：彼日是好日子，是『看日阿』兮先生專工撿，寬寬選，聽講是六合擱無煞、即日來出嫁，一定會好命得人疼

新郎手提新娘花，惦惦坐佇客廳，厝內人來客去、鬧熱滾滾，掠伊金金看，講新郎生做緣投古意、新娘哪嫁伊，免講嘛會好命

紅連炮一聲擱一聲，催新娘趕緊上車，媽媽手提紅花,，講要插乎正，輕輕牽起阮兮新娘衫，叫阮慢慢〈ㄉㄠˇ阿〉行：『今啊日汝是新娘阿，腳步要踏乎穩〈ㄗㄞ˙〉、戶定輕輕阿跨〈ㄏㄚ˙鼻音〉，謹慎細膩，即也當捧人兮飯碗』

爸爸雙手捧香，叫阮來祖先面前站：『今啊日是汝欲出嫁，來拜厝裡兮神明甲公媽，此去啊！著是別人也，萬項著愛照起工，照顧ㄤ婿、有孝序大，也記得起人起客、好嘴水，千萬喔！毋〈口加母〉通\甲人歹面相看』

阿姨偎來阮身邊，細聲講乎阮聽：『汝是乖巧兮查某子，父母的心情汝上知影，送汝出門去，心肝是有外呢疼‧無論按怎，晟養兮恩情著要答謝............』

踏進前、跪土腳，心頭酸、目屎滴?煞，自細漢到即嘛,，事事項項有父母擔，踏出這個門，著是無仝款兮身分甲心情，講末出嘴兮，是感謝、毋〈口加母〉甘、心痛、驚慌甲〈加口〉孤單‧.................

腳步躊躇，行入去新娘車，魁扇輕輕丟落車外，毋〈口加母〉敢越頭看。

彼一日，阮欲出嫁，天氣，有淡薄阿寒‧